Ағымдағы жылдың қаңтар айының 22 күні «Біртұтас тәрбие» бағдарламасы аясында Шу ауданы Төле би ауылы Мұқағали Мақатаев атындағы тірек орта мектебінде (РО) 8-11 сынып қыздары арасында «Ерте жыныстық қатынас пен жүктіліктің алдын-алу» тақырыбында жиналыс өткізілді. Бұл кездесуге аудандық аурухананың акушері Салтанат Еримбетова, мектеп әкімшілігі және мұғалімдері қатысты. Жиналыс барысында аудандық аурухананың акушері Салтанат Еримбетова қыздарға «Ерте жүктіліктің қауіп-қатері» тақырыбында баяндамасын оқып, қыз балалардың репродуктивті денсаулығы туралы мәліметтермен бөлісті. Екінші кезекте мектептің биология пәні мұғалімдері Қазанбаева Г, Дауренбекова С. Р.Берзимбетова «Жат қылықтың қыз тағдырына әсері», «Ерте жастағы жүктілік салдары» тақырыптарында дәрістерін оқып, тақырыпқа сай бейнероликтер көрсетіліп, ақыл-кеңестерін айтып өтті.