23 қаңтар күні тарих пәні мұғалімі Омбаева Гүлнұр Бақытқызы «Қазақстандағы ұжымдастыру» тақырыбында 8 «Б» сынып оқушыларымен ашық сабақ өткізді. Сабақтың мақсаты: кеңестік ұжымдастыру саясатының ауыл шаруашылығына тигізген зардаптары мен демографиялық өзгерістерді талдау болды. Мұғалім сыныпты үш топқа ұтымды, тақырыпқа сай бөліп, «Біліміңді таныт» айдары арқылы өткен білімді тексерді. Жаңа білімді Мекемтас Мырзахметұлының өмірінің сұрапыл кезеңінен үзінді келтірілген бейнематериалымен бастап, балалардың назарын «Ұлы нәубет» сөзіне аудара отырып, тақырыптың мазмұнын аша білді. Мәтінді бөліп бере отырып, әр топқа «Сұхбат», кестемен жұмыс, картамен жұмыс, рөлдік ойындар топтық тапсырмалары берілді. Оқушылар ізденіспен, ерекше құлшыныспен тапсырмаларды орындады. Жұптық тапсырмалар арқылы зерттеу сұрағына оқушылардың назарын аударды, жеке тапсырмалар беріліп, сабақ мазмұны бекітілді, ұжымдастыру саясатының ауыл шаруашылығына тигізген зардаптары мен демографиялық өзгерістері талданды. Сабақ мақсатына толық жетті. Топтық бағалау, өзін-өзі бағалау арқылы оқушылар бағаланып, сабақтың барысы жайлы оқушылар тарапынан ауызша, жазбаша кері байланыс берілді.
