2023 жылдың 18 -қазан күні М.Мақатаев атындағы тірек орта мектебінің және Жайсан,Еңбекші Ш.Мұртаза атындағы магниттік мектептерінің 8-9 сынып оқушыларының қатысуымен сессия барысына орай дамыту блогында “Кітап-ақылшы дос” айдарында “Бәріміз бірге оқимыз”атты марафон ұйымдастырылып,дөңгелек үстел өткізілді.Танымдық іс-шара барысы үш бөлімде қойылды.Бұл оқырмандар марафонының негізгі мақсаты жас ұрпақтың санасында оқу мен кітап мәдениетінің құндылығы жайында түсінік қалыптастыру,оқушыларды кітап оқуға тарту,кітап оқитын орта қалыптастыру болатын. Ең алдымен “Асыл сөзді іздесең,Абайды оқы”бөлімі бойынша оқушылар ақынның маржан сөздерін насихаттаса,ІІ бөлімде оқыған шығармаларының мазмұнын талдап,көркем шығармалардан алған әсерлерімен бөлісті,кітап оқудың құндылығын паш етті. ІІІ бөлім Шерхан Мұртаза атамыздың “Бір кем дүние”прозасы бойыншы “Тәуекел” әңгімесінен қойылым көрсетілді.Соңында тыңдарман қауым алған әсерлерімен ой бөлісті.Мұндай тағылымы мол танымдық сағаттың өтілуіне мектеп директорының эксперимент ісі жөніндегі орынбасары Жексенбаева Баян Ниятуллақызы мен қазақ әдебиеті пәнінің мұғалімдері,мектеп кітапханасының қызыметкерлері арқау болды.Іс-шара жоғары деңгейде өтті.Соңында арнайы дайындалған кері байланыс парағына тыңдармандар қатысушыларға өз пікірлері мен жақсы тілектерін жазды.Тағылымы мол іс -шара жалғасын тауып,әлі де өз оқырмандары мен тыңдармандарын кітап оқуға шақырады!…. Осындай танымдық іс-шаралар магниттік мектептерде де өткіліп отырса деген ұсыныс айтылды. 19.10.2023ж
19.10.2023ж
